我今年的HKIFF 又完結了, 今年11套戲順順利利睇哂, 冇浪費到任何一張飛, 開心!
最後一日睇的係THEIR FINEST 同龍先生, 兩套都好睇, SABU 的龍先生都幾精彩, D人見張震係咁殺殺殺哂D 壞人, 開心到係咁拍手, 哈哈~ 我就覺得誇咗D, 不過都係爽的!
而THEIR FINEST 係繼夜行動物後, 今次電影節我好鐘意的電影
哩套我見佢定位在愛情輕喜劇, 我又覺得唔算係, 反而有些勵志的女性主義的奮鬥故事
同黑人嗰套NASA HIDDEN FIGURES有少少相似, 不過今次主角比上次好D, 因為已經唔係黑人, 只係白人女性
不過因為時代SET 係COLD WAR 前的二次世界大戰時期, 所以大家的思想又係退步D, 可能當時岩岩起頭的白人女性就同COLD WAR 時開始冒起的黑人女性有些相近吧!
女主角寫得一手好文, 所以俾男主角睇中咗, 揀咗去幫政府新聞部食劇本, 希望拍到一套真實,樂觀的電影可以激起倫敦人民的士氣, 可以團結一心打敗德國
故事其實都係幾輕鬆的, 而且有些少笑料, 係一套好大眾的電影
我都希望香港可以上映
戲中戲的故事亦都好奮發人心, 雖然因為政府的需要而加入咗一個唔識演戲的美國空軍演一個美國記者
但經過女主角精心計算後,每個角色都發光發亮, 連因為人氣下降而被迫演一老人家的甘草演員最後都愛上自己的角色, 亦連本來唔想俾戲份的TWINS 最後都成為這套戲中戲拯救大家的關健.
愛情方面有喜有悲, 不過當時可能真係咁樣, 今日唔知聽日事, 所以有嘢真係要一早講, 唔係可能下一刻就冇機會了
電影中我很喜歡男主角的一句話, 他說希望拍好一部電影, 連人們不要白白浪費個半小時的時光
其實每次睇戲都係咁, 一套好戲你會覺得非常值得, 但真係有時一些爛戲真係浪費金錢又浪費時光
真係希望電影工作者可以用哩個為目標去工作, 拍一些有意義有深度又精彩的電影出來!